भोटेकोशी बाढीपीडितका लागि नरेन्द्र विश्वकमाकाले गरे १ लाख १ हजार १११ रुपैंया सहयोग

नबिनबाबु अधिकारी

सिन्धुली २२ भदौ ०८३

रसुवाको भोटेकोशी नदीमा आएको विनाशकारी बाढीबाट प्रभावित नागरिकको राहत तथा उद्धारका लागि सिन्धुलीका सुनचाँदी व्यवसायी नरेन्द्र विश्वकर्माले १ लाख १ हजार १११ रुपैंया सहयोग गर्नुभएको छ ।

भोटेकोसीमा आएको बाढीका कारण रसुवा, नुवाकोट, धादिङलगायतका जिल्लाका नदी किनारका क्षेत्रमा ठुलो जनधनको क्षति भएको छ । बाढीका कारण कतिपय परिवार विस्थापित भएका छन् भने प्रभावित क्षेत्रमा राहत तथा उद्धारको आवश्यकता अझै रहेको छ ।

यही विपद्मा परेका नागरिकलाई सहयोग पुगोस् भन्ने उद्देश्यले नरेन्द्र सुनचाँदी पसलका सञ्चालक विश्वकर्माले प्रधानमन्त्री दैवी प्रकोप उद्धार कोषमा १ लाख १ हजार १११ रुपैयाँ जम्मा गर्नुभएको हो ।

कोषमा रकम जम्मा गरेपछि प्राप्त भौचर विश्वकर्माले सिन्धुलीका प्रमुख जिल्ला अधिकारी स्किम श्रेष्ठलाई हस्तान्तरण गर्नुभएको छ ।

विश्वकर्माले विपद्को समयमा प्रभावित नागरिकको पीडामा आफ्नो तर्फबाट सानो भए पनि सहयोग पुगोस् भन्ने उद्देश्यले रकम प्रदान गरेको बताउनुभयो ।

भोटेकोशी बाढीबाट प्रभावित नागरिकको राहत तथा उद्धारका लागि पछिल्लो समय सिन्धुलीबाट विभिन्न व्यक्ति, व्यवसायी, संघसंस्था, विद्यालय तथा सामाजिक समूहले प्रधानमन्त्री दैवी प्रकोप उद्धार कोषमा आर्थिक सहयोग गर्ने क्रम जारी छ ।