आज कुशे औँसी

अरुण दर्नाल

आज त . .. ...
बाको मुख हेर्ने दिन रे ?
हा ..हा.. हा ...

कुसे औँसी औँसी पो भन्थे गाँठे
कसो झन्डै बिर्से छु
मेरा बा म सानो हुँदा मेरा सारा इच्छा थाहा पाउँथे
मैले आज झन्डै बाको मुख हेर्ने दिन नै बिर्सेको ।

मातातिर्था औँसी र कुसे औँसी त दसैँ तिहार भन्दा पनि महान् हो नि ।
किन ?
थाहा छ तपाईँलाई ?
आफ्ना बा-आमालाई बृद्धाआश्रम पठाएका छोराछोरीले पनि यी दिनहरूमा छ्यापछ्याप्ती

आमा र बा का फोटाहरूले फेसबुकका भित्ता रङ्गाएका हुन्छन् ।
बरु आफै भन्नुहोस् त ?
तपाईँले पो आज बाको फोटो फेसबुकमा हाल्न भुल्नु भयो कि?

मैले बिहानै बा लाई फोन गरे र कुशे औँसीको शुभकामना दिए ।

बाको बोली कता-कता मलिन थियो ।
मैले सोधेँ बा के भयो बाले भन्नुभयो केही भएको छैन बाबु तँ ठिक छस् नि ?

बा त आफ्नो मनको कुरा लुकाउन पनि कति जान्ने हो कुन्नि ?
तर सन्तानको मनको कुरा भने यसै बुझ्ने गर्नेछन् है ?
आफ्नो सारा दुःख कष्ट लुकाएर सन्तानको अघि खुसी हुन्छन् ।
बा सँगको कुरा पछि निकै खुसी लाग्यो
थोरै थोरै मन भारी भयो
हुन त म आज बाको साथमा हुनु पर्ने हो
दुरीले जतिसुकै टाढा बनाए पनि मनको नजिक थिएँ ।

सबैको मन उस्तै नहुने है ?
मेरो जन्म दिनमा केक र खेलौना दिएर खुसी बनाउने मेरा बा
मैले बाको मुख हेर्ने दिन पनि भुले
कुसे औँसी भुले ।
हा..हा..हा...

छ्या १ म पनि

चिन्तनको गहिरो
धरातलमा उभिए ।

आजको दिन पनि।।
एक जना वृद्ध बाजे मेरै अगाडिको रोडमा ठेलाबाट
व्यापार गर्दै थिए।
मैले अघि नै देखि हेर्दै थिए ।
काटीकुटी मेरै बाको अनुहार मिल्ने ।

म उहाँ भएतिर गए ।
निकै वार्तालाप पछि अन्ततः उहाँले मलाई भन्नुभयो बाबु माया मोह भन्ने कुरा सधैँ ओरालो लाग्ने रहेछ ।
सन्तान सानो हुँदा पो बा भन्छन् सँगै बस्छन् ।
ठुलो भएपछि हामीलाई कहाँ आफ्नो मान्छन् र बाबु
म त अहिले छोरा बुहारीको लागि बोझ भएछु बाबु।
म त बोझ भएछु ।
कान्छोले भन्थ्यो मोबाइलबाटै शुभकामना दे छ रे
खै के भनेर पो दियो ?

कोमल मन रुन्चे आँखा दुवै रसाएर आयो
जब कि मेरो मोबाइलमा पनि happy father day भनेर थुप्रै बाहरूको फोटाहरू फेसबुकको भित्ताहरूमा छरपस्ट देखिन्थे ।

अनि तपाईँ ले ?
बाको फोटो हाल्नु भो त ?
बालाई कुशे औँसी शुभकामना दिनु भो त ?
तपाईँलाई कसैले भन्यो कि,
मैले जस्तै बिर्सनु भो ?
हा..हा ..हा...
तपाईँलाई हो सोधेको भन्नुहोस् ?