बिशाल स्मृति फुटबल प्रतियोगिताको उपाधि लाम्पनटरलाई

सरोकार टाइम्स

सिन्धुली १४ असोज ०८२

विशाल बुढाथोकी तेस्रो स्मृति फुटबल प्रतियोगिताको उपाधि लाम्पनटर युवा क्लबले पाएको छ । सेतीसुन्दरी युवा क्लब चकमकेको आयोजना गरेको प्रतियोगिताको उपाधि लाम्पान्टार युवा क्लबले जितेको हो ।

प्रतियोगिताबाट सेतीसुन्दरी युवा क्लब चकमके उपविजेता भएको छ । विजेता समूहलाई नगद ३० हजार रुपैयाँ सहित मेडल र प्रमाणपत्र प्राप्त प्रदान गरिएको छ भने उपविजेता समुहलार्ई नगद १५ हजार रुपैयाँ, मेडल र प्रमाणपत्र प्रदान गरिएको थियो ।

प्रतियोगितामा १४ समूहले सहभागिता जनाएका थिए । विशाल बुढाथोकीको सम्झनामा विगत ३ वर्षदेखि चकमकेमा प्रतियोगिता हुँदै आएको हो । कुनै सरकारी निकायको लगानीबिना यति ठुलो प्रतियोगिता सञ्चालन गर्नु कठिन हुने भए पनि पासाङ तामाङको पहलमा सम्भव भएको आयोजकले जनाएको छ । पहिलो संस्करणदेखि नै उहाँको व्यक्तिगत पहल मार्फत रकम सङ्कलन गरेर प्रतियोगिता निरन्तरता दिँदै आउनु भएको हो ।

प्रतियोगिताबाट सङ्कलित रकम खर्च विवरण प्रस्तुत गरी बाँकी रहेको २० हजार रुपैयाँमध्ये १० हजार ‘जेनजेड आन्दोलन’का तिनपाटनका युवा तथा स्व. विशाल सुनुवारको परिवारलाई, १० हजार स्व. विशाल बुढाथोकीको परिवारलाई सहयोग गरिएको छ । समाजसेवामा सक्रिय पासाङ तामाङ हाल बिपी यातायात चकमकेका इन्चार्ज, राष्ट्रिय युवा सङ्घ नेपालका केन्द्रीय सदस्य तथा सिन्धुली जिल्ला इन्चार्ज समेत रहेका छन् ।