तेस्रो दिन सम्म ७४ प्रतिशत किशोरीले लगाए ‘एचपीभी’ खोप

सरोकार टाइम्स

सिन्धुली २४ माघ ०८१

सिन्धुलीमा मङ्गलवार देखी सुरु भएको पाठेघरको मुखको क्यान्सरविरुद्धको ‘एचपीभी’ खोप अभियानको तेस्रो दिन बिहीबार ३ हजार ४०१ जना किशोरीले खोप लगाएका छन् । तेस्रो दिन ३ हजार ४२१ जना किशोरीलाई खोप लगाउने लक्ष्य रहेको थियो । अभियानको तेस्रो दिन लक्ष्य अनुसार २० जना किशोरीले भने खोप लगाएका छैनन् ।

तेस्रो दिन सम्म सिन्धुलीमा १० हजार ८२१ जना किशोरीलाई एचपीभी’ खोप लगाइएको जनस्वास्थ्य कार्यालय सिन्धुलीका खोप अधिकृत पुष्पराज पन्तले सरोकार टाइम्सलाई जानकारी दिनुभयो । हाल सम्म १० देखी १४ वर्ष उमेर समूहका ७४ प्रतिशत किशोरीलाई खोप लगाइ सकिएको उहाँको भनाई रहेको छ ।

हाल सम्म कमलामाई नगरपालिकाका २ हजार ३८४, दुधौली नगरपालिकाका २ हजार ९७, तिनपाटन गाउँपालिकाका १ हजार २५२, फिक्कल गाउँपालिकाका ७८०, गोलञ्जोर गाउँपालिकाका ९३८, सुनकोसी गाउँपालिकाका ९१९, घ्याङलेख गाउँपालिकाका ६६३, मरिण गाउँपालिकाका १ हजार ६९ र हरिहरपुरगढी गाउँपालिकाका ७१९ जनाले खोप लगाएका छन् ।

विद्यालय बाहिर रहेका ३० जना किशोरीले एचपीभी’ खोप लगाइएको उहाँले जानकारी दिनुभयो । कमलामाई नगरपालिकामा १, दुधौली नगरपालिकामा १२, तिनपाटन गाउँपालिकामा २, गोलञ्जोर गाउँपालिकामा १, सुनकोसी गाउँपालिकामा ३, घ्याङलेख गाउँपालिकामा ६ र हरिहरपुरगढी गाउँपालिकामा ५ जना विद्यालय बाहिर रहेका किशोरीलाई खोप लगाइएको उहाँले जानकारी दिनुभयो ।

स्थानीय तह अनुसार घ्याङलेख गाउँपालिकामा सबै भन्दा धेरै ९० प्रतिशत खोप लगाउने कार्य सकिएको उहाँले जानकारी दिनुभयो । कमलामाईमा ६५.८ प्रतिशत, दुधौलीमा ७०.१ प्रतिशत, तिनपाटनमा ८०.५ प्रतिशत, फिक्कलमा ७०.२ प्रतिशत, गोलञ्जोरमा ८६.५ प्रतिशत, सुनकोसीमा ८७.९ प्रतिशत, मरिणमा ७२.३ प्रतिशत र हरिहरपुरगढीमा ७१.५ प्रतिशत लक्ष्य पुरा भएको उहाँले जानकारी दिनुभयो । जिल्लामा समग्र अवस्थामा हेर्दा तेस्रो दिनमा नै ७४ प्रतिशत खोप लगाउने कार्यको प्रगति भएको छ यो लक्ष्य अनुसार नै हो उहाँले भन्नुभयो । अभियानको चौथो दिन शुक्रवार ५६ वटा खोप केन्द्र मार्फत १ हजार २६९ जना किशोरीलाई खोप लगाउने लक्ष्य रहेको उहाँले बताउनुभयो ।

चौथो दिन कमलामाईमा ७ वटा खोप केन्द्र मार्फत ३५६, दुधौलीमा ६ वटा खोप केन्द्र मार्फत ३४०, तिनपाटनमा ११ वटा खोप केन्द्र मार्फत २१२, फिक्कलमा २ वटा खोप केन्द्र मार्फत १६१, गोलञ्जोरमा १ वटा खोप केन्द्र मार्फत २१, सुनकोसीमा २ वटा खोप केन्द्र मार्फत ५२ र मरिणमा ३ खोप केन्द्र मार्फत १२७ जना किशोरीलाई खोप लगाउने लक्ष्य कार्यालयको रहेको उहाँले बताउनुभयो ।

विद्यालयमा कक्षा ६ देखी १० सम्म अध्ययनरत र विद्यालय बाहिर रहेका १० देखी १४ वर्ष उमेर समूहका किशोरीहरूलाई खोप लगाउने कार्यमा सहयोग गर्न उहाँले सम्बन्धित सवैमा आग्रह गर्नुभयो । विद्यालयमा विभिन्न कारणले खोप लगाउन नपाएका किशोरीहरूले नजिकको खोप केन्द्रमा गएर पनि अभियान भरी खोप लगाउन सक्ने उहाँको भनाई रहेको छ ।