पहिलो दिन २१ सय किशोरीलाई ‘एचपीभी’ खोप

सरोकार टाइम्स

सिन्धुली २२ माघ ०८१

सिन्धुलीमा मङ्गलवार वाट सुरु भएको पाठेघरको मुखको क्यान्सरविरुद्धको निःशुल्क ‘एचपीभी’ खोप अभियानको पहिलो दिन २ हजार १४१ जना किशोरीले लगाएका छन् । अभियानको पहिलो दिन २ हजार ८५७ किशोरीलाई खोप लगाउने लक्ष्य भए पनि २ हजार १४१ किशोरीले खोप लगाएका हुन् ।

जनस्वास्थ्य कार्यालय सिन्धुलीका खोप अधिकृत पुष्पराज पन्तका अनुसार कमलामाई नगरपालिकाका २४२, दुधौली नगरपालिकाका ६९४, तिनपाटन गाउँपालिकाका ४२६, फिक्कल गाउँपालिकाका ७१, गोलञ्जोर गाउँपालिकाका ११८, सुनकोसी गाउँपालिकाका २९७, घ्याङलेख गाउँपालिकाका १७१, मरिण गाउँपालिकाका ४२ र हरिहरपुरगढी गाउँपालिकाका ८० जनाले खोप लगाएका छन् ।

पहिलो दिन कमलामाई नगरपालिकाका ४१०, दुधौली नगरपालिकाका १ हजार ११६, तिनपाटन गाउँपालिकाका ५१७, फिक्कल गाउँपालिकाका ८५, गोलञ्जोर गाउँपालिकाका १४७, सुनकोसी गाउँपालिकाका २५९, घ्याङलेख गाउँपालिकाका २२९, मरिण गाउँपालिकाका ४४ र हरिहरपुरगढी गाउँपालिकाका ५० जना गरी २ हजार ८५७ जनालाई खोप लगाउन जनस्वास्थ्य कार्यालय सिन्धुलीको लक्ष्य रहेको थियो ।

पहिलो दिन लक्ष्य अनुसार ७१६ जनाले खोप लगाएका छैनन् । पहिलो दिन कक्षा ६ मा अध्ययनरत ४८०, कक्षा ७ देखी १० कक्षा सम्म अध्ययनरत १ हजार ६५० गरी २ हजार १३० जना किशोरीले खोप लगाएको उहाँले जानकारी दिनुभयो । पहिलो दिन विद्यालय नजाने १० वर्ष सम्मका २ र ११ देखी १४ वर्ष उमेर समूहका ९ जना गरी ११ जनाले खोप लगाएका छन् । विद्यालय बाहिर रहेका किशोरीलाई पायक पर्ने विद्यालय मार्फत खोप लगाइएको उहाँले जानकारी दिनुभयो ।