अनेरास्ववियुको सम्मेलन आयोजक कमिटीको संयोजकमा अजय

नबिनबाबु अधिकारी

सिन्धुली २६ साउन ०८२

अखिल नेपाल राष्ट्रिय स्वतन्त्र विद्यार्थी युनियन सिन्धुलीको सम्मेलन आयोजक कमिटीको संयोजकमा अजय दोङ चयन हुनु भएको छ । आइतबार बसेको बैठकले जिल्ला कमिटी भङ्ग गर्दै जिल्ला सचिव समेत रहेका दोङको संयोजकत्वमा ५५ सदस्यीय सम्मेलन आयोजक कमिटी गठन गरेको हो ।

अनेरास्ववियु सिन्धुलीका १६ औँ जिल्ला अधिवेशन ०८२ भदौ २६ र २७ गते गर्ने निर्णय पनि गरेको छ । १५ औँ जिल्ला अधिवेशनबाट सम्मेलनबाट निर्वाचित अध्यक्ष प्रशान्त लुङ्गेली अनेरास्ववियुको २४ औँ राष्ट्रिय महाधिवेशनबाट केन्द्रीय कमिटी सदस्यमा निर्वाचित भएपछि उहाँले उपाध्यक्ष ललित रजनमगरलाई कार्यवाहक अध्यक्षको जिम्मेवारी दिनु भएको थियो ।